وعادى لما نموت فى قطر
والهى دا انتوا هترحمونا
وحشة الحياة ـ والموت دا ستر
وبلاش يا عالم تمنعونا
والحياة قاسية ومريرة
ومت فيها الف مره
فرش بيتنا كام حصيرة
ولا عمرى دقت الفرح مره
ومحناش اغلى مــ اللى مات
واللى مات والله يا بخته
مرضيش ربه ـ يعيش شحات
ولا يبيع فى لحم اخته
ومحناش يا عالم خيل الحكومة
ولا احنا حتى كلاب النظام
فعادى يطلع دين ابونــا
وربك يعينهم عــ الحمام
وبلاش يا ريس نصعب عليك
وبلاش تطير نوم فضيلتك
أهل غـزة اولى بيك
محناش ياريس من عشيرتك
قول يا "وديع" يابو قلب طيب
عرفنا ايــة؟ زنب اللى مات
ولا انت عايش عشان فخامتك
تفضل تدافع عــ النبات
معرفش وصلو لكام شهيد
مبقتش قادر اعدهم
ومبقتش قادر احفظ اسامى
تلاقينى بنسى من كترهم
وروحو لامى ـ وبلغوها
قولو ليها ـ مصرى مات
لو عايزه تبكى ـ امنعوها
امى مش حمل العياط
قولو ليها مات شهيد
ومات معاه شوية رجــال
مامتش عـ السكة الحديد
زى ما قالوا فـ الجرنال
عايز تابوت سعف النخيل
والكفن .. من زرع غيطنا
غيطنا يامه ماهوش بخيل
وغسلونى فى قلب بيتنا
هفضل اشوفك من بعيد
اصل يامه بخاف عليكى
مهما يامه اكون بعيد
هاجى واطمن عليكى
وبلاش تنادوا برجوع حقوقنا
بلاش تنادوا .. بالقصاص
قلبى حاسس .. هتحصلونــا
قبل ما يتم الخلاص
بتمنى ان الاحساس يخيب
وتعود بلدنــا بالسلامة
وان كنا متنا على الصليب
تقوم بلدنــا يوم "القيامة "
وخلاص وهانت ومفاضلشى يامه
نهايتها بانت ومــع الســلامـــــة
بــ نهار يخلى الظلام يغور
و النور يرفرف زى الحمامة
يا بلدنا هانت ومفضلشى يامة
وقرب يهل يوم القيامة
هفضل اقولها وبعلو صوتى
يا مصر موتى
والهى دا انتوا هترحمونا
وحشة الحياة ـ والموت دا ستر
وبلاش يا عالم تمنعونا
والحياة قاسية ومريرة
ومت فيها الف مره
فرش بيتنا كام حصيرة
ولا عمرى دقت الفرح مره
ومحناش اغلى مــ اللى مات
واللى مات والله يا بخته
مرضيش ربه ـ يعيش شحات
ولا يبيع فى لحم اخته
ومحناش يا عالم خيل الحكومة
ولا احنا حتى كلاب النظام
فعادى يطلع دين ابونــا
وربك يعينهم عــ الحمام
وبلاش يا ريس نصعب عليك
وبلاش تطير نوم فضيلتك
أهل غـزة اولى بيك
محناش ياريس من عشيرتك
قول يا "وديع" يابو قلب طيب
عرفنا ايــة؟ زنب اللى مات
ولا انت عايش عشان فخامتك
تفضل تدافع عــ النبات
معرفش وصلو لكام شهيد
مبقتش قادر اعدهم
ومبقتش قادر احفظ اسامى
تلاقينى بنسى من كترهم
وروحو لامى ـ وبلغوها
قولو ليها ـ مصرى مات
لو عايزه تبكى ـ امنعوها
امى مش حمل العياط
قولو ليها مات شهيد
ومات معاه شوية رجــال
مامتش عـ السكة الحديد
زى ما قالوا فـ الجرنال
عايز تابوت سعف النخيل
والكفن .. من زرع غيطنا
غيطنا يامه ماهوش بخيل
وغسلونى فى قلب بيتنا
هفضل اشوفك من بعيد
اصل يامه بخاف عليكى
مهما يامه اكون بعيد
هاجى واطمن عليكى
وبلاش تنادوا برجوع حقوقنا
بلاش تنادوا .. بالقصاص
قلبى حاسس .. هتحصلونــا
قبل ما يتم الخلاص
بتمنى ان الاحساس يخيب
وتعود بلدنــا بالسلامة
وان كنا متنا على الصليب
تقوم بلدنــا يوم "القيامة "
وخلاص وهانت ومفاضلشى يامه
نهايتها بانت ومــع الســلامـــــة
بــ نهار يخلى الظلام يغور
و النور يرفرف زى الحمامة
يا بلدنا هانت ومفضلشى يامة
وقرب يهل يوم القيامة
هفضل اقولها وبعلو صوتى
يا مصر موتى
"مجرد علامة"
