تعبت من المشاوير

تعبت من المشاوير
والرحلة يا ناس طويلة
وزهقت من التفكير
سيزيف .. الصخرة تقيلة 

وش يعمل التعبان
وش يعمل المبلي
واية فايدة الوردة
لو تيجى على قبري

حياتى حكاوى وعبر ...
ولا الف ليلة وليلة
مليانة غناوى وامل
على الف حاجة مستحيلة

بين داية وبين حانوتى
بين حياتى ما بين موتى
تحلو فى عينى الحياة
لما يا فرحة بتفوتى

صور وتجارب وناس غريبة
والعقل مطحون ذكريات
تراث شرقي على غربي ...
على ادب بكل اللغات

و المن والسلوى
والمشي ع المية
وخمس مرات فى اليوم وضوء
وطرق غريبة ....
وملتوية ....
يا سحرة هس حبة هدوء

دا الارض داخت
والعقل شاخ
والريحة فاحت
والوضع باخ