بصلى وبسلم

بصلى وبسلم

ودمعى بيتألم

واسكت انا 

بلاقيه يتكلم

اصلى انا
حالف ماتكلم
ولا اطلع ع السلم
غير لما ترضى تتكلم

ومتخافش منى

انا طول عمرى 

راضى ومسلم
لاول لسه فكرانى
لسه شريانى وريدانى
لسه فى عروقك نبض
بيهز شريانى
ولا غيرى خد مكانى
وسكنتيه احضانك
وفرجتيه فستانك
وطايره بيه
اقولك ايه
بلاها الشاى
وبلاها الدمعه دى وياى
وبلاها البصه دى وياى
انا فاهمك
لساكى تايهه ومش على بعضك
لساكى عاد مخطوف شكلك
حتى اكلك
على طول خفيف
احب اقولك
انا مش كفيف
وانا مش ضعيف
اصلى شايف كل حاجه
والحكاية مش محتاجه
اعتذارات وخطابات
ومسببات ومسكنات
قوليها فى وشى
حبك مات
وانا هرضى
ومن سكات
ولا اهات
ولا عبارات تجرح مشاعرك
قوم قوام هات كل حاجه
ويريت تنسى اى حاجه
كانت زمان حلوه ما بينا
واياك تقول ان احنا خنا
واياك تقول ان احنا كونا
لا احنا مكناش
واقفل بلاش كتر الكلام
عيش لنهزام واقبل قرارى
هذا اختيارى
هات الهدايا وانسى هوايا
واقف هناك جنب الضحايا
الحكاية خلصت 

انهى الرواية