بلاش ياولدى تسافر

واه يا عبد المجيد
تركت الفاس ويا المندل
وعاوز تهرب بره بلادك
وتقول على عيشتك حنضل

كاره العيشة وكارة الناس
وعاوز تسكن فى البندر
وملت ايدك مسك الفاس
ونفسك تمشى وتتغندر

بس يا ولدى الحمل تقيل
قسوة عيشة ويا احباب
ودموعى بلت مناديل
وانا عجزت وشعرى شاب

القصة الاولى

‎

والله يا حواء والله زمان
اصل الفرقة دى م الطغيان
فاكرة يا حواء وفاكرة زمان
فاكرة الشجرة تحت الضلة

ياما شبعنا هناك احضان
ياما جرينا وياما لعبنا
وياما هربنا من الرحمن

فاكرة لما كان بينادى
واحنا ف قمة الغليان
كنا بنعمل مش سامعين
ومش عاوزين نلبى نداء
كنت انا حاير
معرف طاير؟
ولا انا ماشى فوق الماء

فاكرة يا حواة اول بوسة
كانت بوسة ...يااااااااه
جابت رعشة وقلنا الاه
  ولو نتعب كنا ننام
حتى نكمل فى الاحلام
وفى احلامنا كنا ... يااااه
وكنا برضو بنقول ....الاه
ولما بنتعب كنا بنصحى
من نفسينا او على صوت الله

والمرة دى صحيت على صوتك
قمت لاقيتك عند الشجرة
وقبل ما اصرخ واقول حواء
شفت ف ايدك نص الثمرة
قلت يا حسرة ضاعت حواء
لازم تنطردى من الجنة
وانا لا هفرح ولا هتهنى

خدت بايدى النص التانى
قلت انا برفض اعيش وحدانى
وبرفض انك تطرد حواء
لو عاوز ممكن بالقوة

فجأه لاقيت اتنين خراتيت
واحد اهبل والتانى عبيط
بيقولو يالا ياكتاكيت
لم عزالكم واطلعو برة
فجأه لاقيتنى برة الجنة

وقبل ما اصبر ولا استنى
بسرعة لاقيتنى بقول لله
اية يعنى تطردنى من الجنة؟
وازاى جنة ومن غير حواء؟
بكرة انا ارضى هتصبح جنة
طول ماانا ايدى فى ايدك حواء
والرجلين هتدب بقوة
برفض انك تطرد حواء

لاول هصلى واتوضى

لاول هصلى واتوضى
ولما افوق من الخضة
مش متأكد انى هرضى
بس هفكر فى كلامك

على فكرة انا فاكر
كل كلمة من كلامك
كل شخطة وكل نترة
وكل شدة من لجامك

عوزانى دايما اكون
ورقة وتحت اقدامك
وبالاجبار لازم اصون
كل حرف من كلامك

ولا اتشخط ولا اتأمر
مهما غيرتى احوالك
ولا اشكى ولا اتذمر
مهما شمتى عزالك

عوزانى دايما اكون
كما الخاتم فى صباعك
ولا عاشق ولا مجنون
بس شنطة وفى دراعك

عوزانى اكونلك مطيع
اسمع من غير ما اناقش
وافهم من غير ما اجادل
ويكون فهمى سريع

ونفسك ابطل كسوف
وابقى واد كده ع الموضة
واقلع كتانى والبس صوف
وتنامى ف اوضة وانا ف اوضة

بس انا والهى كان نفسى
تكونى اميرة وف قصرى
وتصونى الخطوة طوالى
ولا تسببى مره فى كسرى

ياللى انتى من لونى القمحى
عارفة مقامى وملامحى
لية تبعترى بس فى قمحى
وبتشمتى لية؟  عزالى

معلش و أسف .. غصب عنى
مقدرش اقبل كلامك... لكنى
لو عاوزة تكونى ف العين كما الننى
خليكى كما المهره وانا بس اللى خيالك

اسمع منى هقولك اية؟

اسمع منى هقولك اية؟

خودها منى نصيحة يا بية
اوعى تأمن يوم للخاين
لو حتى روحك فى ايدية
ولو جالك مره فى دارك
اقفل دارك انت علية
ايييييييية اوعى تصدق

اسمع منى هقولك اية؟
خودها منى نصيحة صريحه
اوعى تكون راجل تلقيحه
بطل كلمة انا مش قادر
خليك فاكر انك راجل
وعمرك مره ما كنت مهان
اييييييية اوعى تسلم

اسمع منى هقولك اية؟
خليك فاكر انت مناضل
وشهر يناير يشهد ليك
خليك ثابت.. صامد.. جامد
وتاريخك اعمله بايديك
خليك ثورى اوعى يهمك
الا الناس هتسب فى امك
ومصر دى امك

اسمع منى هقولك اية؟
وكلامى انا هحكى علية
اوعى تفكر ان عدوك
ممكن يحبك زى اخوك
واوعى تفكر ان جوز امك
ممكن يخصك زى ابوك
ايييييييه اوعى يهمك

اسمع منى هقولك اية؟
وخلى كلامى يابنى معاك
اوعى تفكر ان الدونيا
تفضل كده على طول كرهاك
لو انهارده بتكسف وشك
بكره يا صحبى تكون وياك
ايييييية اوعى تكشر

متحرمش

متحرمش
من ده رمش
بيجرح ويداوى
واصلى انا غاوى
جرح رموشك
والله ما احوشك

اجرح فيه واتمنظر
ولا يهمك ولو مين كان؟
فى نفس الصورة والمنظر
ونفس الجرح بتاع زمان

 ولسة الجرح مستنيك
ولسة الرمش بياثر
وتدلى دموعى ف عنيك
مشتاقه للجرح مش اكتر

تبكى لية؟

تبكى لية؟
علشان وطن
مات واندفن
والبكاء واجب علية

تبكى لية؟
علشان انسان
ضعيف غلبان
وعيونك زعلانه علية

تبكى لية؟
علشان مريض
سارح شريد
والكنسر بيقتل فيه

تبكى لية؟
علشان مظلوم
بالاعدام علية محكوم
بينة وبين الموت ساعتين
تبكى لية؟

زى العادة

زى العادة
حياتى مر وبزياده
اكيد بشربها لكن
بشربها قهوة سادة
وزى العادة

وزى العادة
كل متعب اقوم امشى
صحيح بمشى لكن برجع
اللى مشيته وزيادة
وزى العادة

وزى العادة
اجى احلم فى منامى
الاقى احلامى كرهانى
ولا بكره ولا بطلت احلامى
وزى العادة

الحب عادة
تكره تعشق زيادة
تقرب تبعد زيادة
وكل ما تبعد تتمادى
وزى العادة

وزى العاده
اعشق ناس بتنسانى
وانسى ناس بتهوانى
ولسة بعشق من تانى
وزى العادة

وصف نفسى

1. انا هو وانا الذى وعندما شئت فعلت
   انا البدايةوالنهاية وحيثما كنت وجدت
   
   

ماشية السنيورة

ماشية السنيورة بتغندر
فى وسط الحارة تتمخطر
لاده عاجبها ولا ده عاجبها
وعلى خطابها بتتأمر

ماشية السنيورة بتدلع
على كل اصحابها بتتقمع
دية حوله ودية عمشة
ودية هطلة ودية طرشة

ماشية السنيورة وشيفانى
وعاملة قال مش عرفانى
وادى روجك ملون خدى
وعطرك لسة ف ثيابى

ماشية السنيورة بتتفشخر
باللى يصفر واللى يزمر
واللى بيلمس واللى بيهمس
وباللى شافها وقال اه يانى

علشان اية ممكن تموت؟

علشان اية ممكن تموت؟
علشان فكرة؟ علشان دين؟
اياك فاكر لما تموت
دينك هيرقع بالصوت

وافكارك عليك هتموت
 ويقولولك ارجع
لا اسمع
اوعى تموت

علشان اية ممكن تموت؟
علشان ارض؟ علشان طين؟
اياك فاكر لما تموت
ارضك راح ترجعلك
او اعدائك راح تدمعلك
وترجعلك ارضك
لا فى عرضك
اوعى تموت
علشان اية ممكن تموت؟
علشان شرفك؟ علشان عرضك؟
اياك فاكر لما تموت
شرفك راح يفيد
او عرضك راح يذيد
اقولك بينى وبينك
مش اكيد
فاوعى تموت
علشان اية ممكن تموت
علشان ولدك يعيش من بعدك
اياك فاكر لما تموت
ولدك راح يعيش
ويلاقى عيش
ويلبس ريش
لا مفيش
فاوعى تموت
اوووووعى تمووووووت

وااااه يامة

واه يامه واه على قبرك 
والله ياريتنى مت انا قبلك 
ولا بكيتك ولا رثيتك 
ولا صرختك اه من قلبى 

  واه يامة واه يا ضنايا 
والله موتك ساب جواية 
نار وحسرة وحزن واه 
حبك عمرى ما يوم انساه 

  واه يامة واه يا حبيبة 
والله لسة السكة بعيدة 
قالو هشوفك لما اموت 
وانا عم بدعى العمر يفوت 

  واه يامة واه يا طبيبة 
والله يامة طالت الغيبة 
وادى المر بيروى حياتى 
وغابت الحنية والطيبة 

اه يامة واه من تانى 
اصلك يامة انتى وحشانى 
نفسى اشوفك ولو ف خيالى 
يوم من تانى .... وتضمينى 

  واه يامة وكان ياما كان 
كانت الضحكة يامة زمان 
كان لينا ام وكان لينا حضن 
وكانت الفرحة فى كل مكان
  
  واه يامة واه مين قال 
ومين غيرك ربى رجال 
لا بتشتكى من العيشة المرة 
ولا حتى من ضيق الحال  

واه يامة واه ياصبورة 
من الامراض كنتى مقهورة 
ولا السكر بيذيد من حزنك 
على اولادك دول من بعدك
  
  واه يامة ومتقوليش 
طب فاكرة يامة يوم الديش 
لما ضحكت وقلت لبست 
فى لحظة لاقيتك اغمى عليكى
  
  واااه يامة وانا راح اقوم 
وهجيلك تانى زى اليوم 
وهفضل اقولك واحكيلك 
وعلى باب قبرك اشكيلك

حطة يا بطة

حطة يا بطة يا فلفل شطة
جوه همومك نام واتغطى
انسى سلاحك وانسى كفاحك
وان فى بلدك كان فية ثورة

حطة يابطة وبطة يا حطة
والله وقعت فى حتة ورطة
ضحكو عليك وقالو عدالة
وادى الكوسة ليها مكانه

حطة يا بطة بطة مين
هى الثورة قامت فين؟
قامت برة ولا قامت جوة
ولا الثورة جاتها الدورة

حطة يا بطة اه يا جمالك
والله ياحسنى كبرو عيالك
ادى مشيرك وادى جمالك
وادى قضاتك زى اخواتك

حطة يا بطة وحطة كمان
سرقو الثورة من الجدعان
وادى الجيش يا ناس سكران
عمال يضرب فى الثوار

حطة يا بطة وحقة يا فالح
طعم الثورة ده كده لية مالح؟
يكنش المجلس ناوى يخربها
ويخليلنا الصالح طالح


حطة يابطة وادى اللى كان
كان الجيش مع الاخوان
ادى حاميها وادى حراميها
والنورية فى كل مكان

تزعلى حابك تفرحى حابك

تزعلى حابك تفرحى حابك
انشاله ترفعيلى حواجبك
برضو بكل اشكالك قابلك
كان لينا عشرة وكان لينا ود
وفينا الحب يملاء الارض
فينا الشر وفينا الطيبة
وانا ف قلبى ساكنه حبيبة

يا عروسه البحر كلك سحر
مالك وصف ف التفصيل
عينك حلوة ورمشك جارح
ياما صاب وقتل عاشقين
ولا الخد طارح ورد
طارح فل على الجنبين
وادى الخصر بيميل ع الخصر
وادى ااها وادى يا عين


واااه يا صبيه وااااه يا غزال

عزف النغمة ع  الخلخال
قالو عليكى كام موال؟
قالو قريبه وقالو بعيدة
قالو السر ف التنهيده
قالو الخطوة لسه بعيدة
قالو ليلك مالو نهار
قالو الغنوة فى المشوار


قلت هسافر والله لا اسافر
والله لاسهرلك ميت ليله
قلت هخاطر واية يعنى اخاطر
اصل االحب ده مش بايدينا
وبعد التوهه وبعد الغيبة
وبعد الااااها والتسهيده
شفت القمر واقف قدامى
وبيعاتبنى على الغيبة

مصر السورة ومصر الاية

مصر السورة ومصر الاية
مصر بلد دايما بكايه

مصر كهين احمد ومينا
مصر احضان دايما تلاقينا

مصر حضارة ومصر النيل
مصر جاهين و شوقى وزويل

مصر الزينة ومصر الفرحة
مصر عروسة لابسة الطرحة

مصر تاريخ ومصر حضارة
وتاريخها محفور فى حجارة

مصر الفن ومصر الجود
عزفة الناى وعفق العود

صوت الطبل ويا المزمار
مصر طرب كل الالوان

مصر القلعة وراس التين
رافضة الزل ليوم الدين

شاهد قطز وصلاح الدين
لجنودها جالبين النصر

مصر ساقية ونخله وبيت
والفلاح يفلح ف الغيط

لو شفتها تقول يا ريت
افضل فيها طول العمر

مصر العمل يعنى عبادة
يعنى ايدين ماليانة ارادة

يعنى القناة ويعنى السد
يعنى ايد على ايد تشد

 مصر النيل فى عروقها حياة
مصر حاميها حارسها الله

يسلم يدك .... يكرم فومك
يلى كتبت تاريخها بدمك

انا بشرب

انا بشرب عشان انسى
ولا بنسى علشان اشرب
بشرب عشان اهرب
ولا بهرب عشان اشرب
وادينى طول الوقت بشرب
لابنسى ولا بهرب
بس بشرب

يمكن همى ميتنسيش
يمكن حزنى ميختفيش
لا برشام ولا حتى حشيش
لكن بشرب

يمكن بشرب
علشان انسى انى بعيش
وسط ناس الوان ورانيش
والالوان ف بلدنا كتير
مالها وصف ف التمثيل
ياخى اشرب ومتحكيش

يمكن بشرب
علشان انسى انى بعيش
فى شرق بلاد العواجيز
وانا شاب وعايز اعيش
اسكت بقى ومتخنقنيش
اشرب

يمكن بشرب
علشان انسان مش حيوان
والانسان فى بلادنا مهان
اصل بلدنا سجن كبير
بدون سجان ولا قضبان
اشرب وانسى انك انسان
عيش حيوان

يمكن بشرب

علشان مصرى علشان طرطور

علشان انسى  فمفكرش فمقررش

فمتغيرش وافضل كده على طول الخط

عايش مقهور ماشى مخبول

علشان بينى وبينك انتى 

الفين سور

الف مبروك جالك ولد

الف مبروك جالك ولد
يادى الفرحه يا اهل البلد
جالك سند جالك مدد
جالك الى هيكونلك معين
وقت الكبر وقت الهرم وقت العجز

الف مبروك
ابنك زينة اهل البلد حتة ولد
ابن الكرم حط القدم
ومسك كراسة ومسك قلم
ودرس علوم كل البشر

الف مبروك اتشال واتحط
ابنك اهوه بيفك الخط
ابنك بلغ مقام الرجال
ابنك طول .. ابنك عرض
ابنك بيدب برجليه ع الارض

الف مبروك ابنك نجح
ابنك فلح ااااه يا بلح
ابنك خلاص ثمرو طرح
اعزم اهالى كل البلد
وهات الطبل وقيم الفرح

ابنك خلاص خلص علامه
واخد شهادة علت مقامة
نهاية كفاحه ليله وصباحه
نهاية تعبك وياه يا غالى
حصاد زرعك ف ابنك ليالى

الف مبروك ابنك علم
ابنك ظهر بين البشر
للقهوجى والمكوجى
والبلطجى والضومنجى
اصل ابنك خالى عمل

ابنك خلاص لازمه عروسه
عاوز شبكه وعاوز شقة
عاوز زفه وعاوز كوشه
يادى الوكسه ويادى الحوسه
لازم يهرب م المحروسه

ابنك خلاص مفيش أمل
يلا بسرعة جيب الكفن
ده قدرك مكتوب عليك
ابنك يموت قدام عنيك
وكمان بايدك يندفن

ابنك خلاص نفسه اتقطع
قلبه اتفزع .. وحلمه انتحر
يادى الحسره على دا الجدع
مات من غير ما ينهى السبق
مات وساب جواك وجع

ابنك خلاص مات واندفن
مات الكفاح ومات الامل
شد حيلك اصلب طولك
احبس دمعك جوه عيونك
ده كان قضاء وكان قدر

قوم يا راجل متبكيش
ابنك شجاع ابنك بطل
ابنك مات علشان يعيش
علشان مفيش أكل عيش
علشان يخفف ع البشر


كنت مفكر ولدك سند
ولدك معين وقت المحن
انت السند وانت المعين
انت العليم وانت البصير
وانت الكريم وقت العوز

شررم بررم

شررم شررم شروبم
بررم بررم شروبم

احنا شباب شررم بررم
طول اليوم بندور نبرم
على شغلة ترزق تكرم
والشغلات شررم بررم

احنا شباب غاوى تنطيط
طول اليوم لف وتظبيط
فى الكورة تلاقينا نزيط
وساعة الجد شررم بررم

احنا شباب بنهيص ونزيط
وحياتنا دايما لخابيط
مرة بنهداء ومرة نشيط
ولا حاجة فى حياتنا تهم

احنا شباب بناطيلنا تلق
وحياتنا تويتر فيس بوك
وايدينا عماله تدق
تملى ف لوحة مفاتيح

احنا شباب الصوت العالى
كلمتنا دايما تلالى
وايا النجمة ف العلالى
والودان شررم بررم

احنا شباب دايما خارجين
على صوت واحد ف التحرير
لا صلبية ولا هلالية
مصر لكل المصريين

احنا شباب اهلا حرية
وثورتنا ف ايدين حرامية
سلف دول ولا اخوانجية
والعصبة عماله تضم

احنا شباب دايما مكبوت
تتكلم ترقع بالصوت
احلامك جواك هتموت
على ايد باشا او هلفوت

احنا شباب ما يخاف الموت
موت عبارة او حتى ف حوت
ياكش يارب ملاقى القوت
بس امانة سفرنى يا بيه

احنا شباب انسانا خلاص
فى بلادنا واخدين بعباص
والفكرة بتموت ف الراس
واسعارنا عماله تقل

كيف؟ وكيف ؟ وجهك جميل

رياح العشق تعصفنى

وتزلزل كل اوصالى

ابعد الوصل تتركنى؟

ابعد الوصل هجران؟

استحلفك بالله لا تتركنى

لا تترك دفء شطئانى

أقيم خيامك فى ارضى

واقطف ثمرك من بستانى

واشرب مائك من بئرى

واختبىء اليل فى احضانى

ان الشفاة تشتاق اليك ظمأ

والعيون تبكى اليك شوقآ

احبك اكثر واكثر واكثر

واغرق فى بحر عينيك الجميل

اين اهرب من عيون تطاردنى؟

من شوق بين ضلوعى يشعلنى؟

كيف دخلتى الى لج قلبى؟

كيف الى عرفتى السبيل؟

كيف اذلتى كل العوائق ؟

كيف شفيتى الجرح العليل؟

وكيف؟ وكيف؟وكيف؟ وجهك جميل

نتيجة حتمية

إلهي قلت لك
أني أتالم فماذا فعلت؟
قلت لك
ليس عندي أحد فماذا صنعت ؟
قلت لك
لا تنســاآني

وقد فعلت

قلت لك
اعطني أمــــلاً

جئت للشمع واطفاءت
قلت لك
كيف لأحلامي أن تتحقق

فضحكت
ندمت على ايامى التى فيها عبدتك
وفى موت امى كان موتك
فجاء يوم رثيت امى

وما رثيتك
اه اماه كم كنت تكلمين

اطرش
اه اماه كم كنت تسمعين

اخرس
لما بعد الموت بكاك امى

وبكائى

اماه هل تذكرين؟
  كم مره قلت لك 

كفاك دعاء
اهتمى بنفسك لا تنتظريه

كفاك وفاء
صليتى وبكيتى 

سجدتى وركعتى
جلستى ووقفتى

شككتى وبررتى
كل هذا وربك انت

لم ياتى
ورغم كل هذا

تركتى انتى هذا
فهل بعد هذا

ربك انت وجدتى؟

من هوه المسيح ؟ من هو ؟ ما هو تعليمه الفلسفى ؟ كفاحه؟ موته؟

من هوه المسيح ؟



1:من هو ؟
المسيح هوه ابن مريم الى الان غير معروف الاب وكان لهذا الموضوع اثره البالغ على حياته وفكره واثره ايضا على ترحال اسرته من مكان لاخر عاش 33 سنه ومات شابا من ابناء داود حسب النسب الذى عرف به

2 :حياته؟

ولد فى بيت لحم مدينه صغيره وفقيره وايضا هذا اثر عليه وعلى حياة الذهد التى كانت احدى فلسفاتهولد وتربى مع يوسف النجار الذى كان خطيب امه تم الزواج بين مريم ويوسف بعد الولادة حسب الفكر اليهودى الذى يحرم زواج الفتاه وهى حامل تعلم المسيح حرفه النجاره من يوسف والانجيل نفسه تطرق فى قصه حياه المسيح عن ولادته وخدمته وموته ولم يتحدث عن الفتره مابين 12 عام الى 30 عام اين كان ؟ ماذا ؟ فعل ؟ لم يذكر تقول الكتب ان المسيح ذهب الى الهند وهناك تاثر بالفكر البوذى والتعاليم البوذيه واتى الى اليهوديه فى سن ال 30 عام اى عاش مع الفكر البوذى ما يقارب 18 عام ومن هنا بداءت حياة تعليمه الفلسفى


3: ما هو تعليمه الفلسفى ؟

جاء المسيح لينادى بالتحرر من ثقل الديانه اليهودى بكل ما فيها ولكى يكسب المعركه مع الكهنه والفكر اليهودى المتراسخ فى العقول كان لابد ان يكون مراوغ ويجيد السباحه الى مسافات طويله وهذه بالفعل ما كان منه كان ينادى بعفه الفكر وليس عفه الجسد فقط كان يرى انه لا شىء يدخل الجسد ينجسه بل ما يدخل القلب كان ينادى بالمحبه وتحرر المراءه وكان لقصه امه دافع له لينادى بحريه المراءه كان ينادى بثقافه قبول الاخر ونبذ العنف كان معاديا للتوراه التى تقول العين بالعين والسن بالسن لانه قال من لطمك على الخد الايمن حول له الايسر


4 :كفاحه؟

دافع عن المراءه الزانيه من منطلق ان كل الناس خطاءه لم ينادى بالصوم ولم يامر تلاميذه بالصوم ولا الصلاه كان ينادى بعلاقه تتمتع بالحريه بين العبد والخالق وهنا تكمن فلسفته الروحيه كان يرى ان الزنا ليس فقط بالممارسه ولا القتل فقط هو قتل الجسد بل قال من نظر لامراءه بشهوه قد زنا بها وقال من همش اخاه وقال له يا احمق يستحق عقاب القاتل هذه يفسر لنا تاثره باليهود واعتراضه عليهم لانه كان يرى انهم مثل القبور بيضاء من الخارج ومن الداخل سوداء مليئه بالعفن كان فيلسوف يرى ان اليهود لا يزنون بالجسد ولكن يزنون بالفكر كان لا يقتلون الجسد لكن يقتلون الانسانيه والفكر كان ينادى باحترام الجسد وعفه الفكر وكان ينادى باحترام الانسان وافكاره ويداء الصراع مع اليهود دفاعا عن افكارهم وتعاليمهم التى بداء ينفر منها الشعب وبداءو يتبعون افكار المسيح الانسانيه وبداء الاحتيال من قبل اليهود وحاولو اكثر من مره التربص له ولم يقدرو خوفا من كثرة اتباعه بداء تصعيد الامر وتمريره قانونيا الى قيصر ونسبو اليه تهمه التجديف على الله وادعاءه انه ملك اليهود


5 :موته؟

حاول بيلاطس الافراج عنه ولكنه لم يفعل خوفا من قيام ثوره من قبل الشعب اليهودىومن انقسامهم بين مويد ومعارض للمسيح امر بصلبه ويالا سخريه القدر يصلب على صليب من خشب هذه الاخشاب التى كان يصنع منها موائد للطعام وكراسى للجلوس هذه المره قاسيه صلب ودفن فى قبر وحيدا منفردا وتم سرق الجثمان بالاتفاق بين يوسف الرامى وبين التلاميذ وربما بعض الرومان بحجه خوفهم من تقديس قبره
الغيرمتوقع ان اتباعه اذدادو بسب ادعاء قيامته من الموت اكثر بكثير من الذين اقتنعوا بافكاره مات مثل كثيرين من اجل الحريه ودفاعا عن الانسانيه و الانسان وكرامته وحقه فى التحرر من القيود ايا كانت اشكالها
انتهت قصه المسيح ولكن تعاليمه لم تنتهى
انتهت قصه المسيح ولكن اتباع تعاليمه فى اذدياد
هذه ملخص لما قراءت على سبيل العرض وليس الحصر

حين ؟ وحين؟

 

حين تبكى ايامى اضحكها
وحين اضحك ايامى تبكينى
اظهر للناس طول الوقت مبتسم
و فى ثنايا القلب جرح يضنينى
لا الناس قادرة على فهمى
ولا بيدهم شيئا يواسينى

صراع الجسد والروح ؟ رؤية كتابية مسيحية

كنت اقراء بالكتاب المقدس
ان الروح تشتهى ضد الجسد والجسد يشتهى ضد الروح,

الروح

  تشتهى فيما للروحانيات مثل الصلاه والصوم والتقرب الى الله والعبادات

والجسد

  يشتهى فيما للعالميات والارضيات من شهوات ومتع وملذات
جميعها تغضب الله وان كانت مصدر راحة وفرحه وسعاده للانسان

وعندما يموووت الانسان 

ان كان خاطىء يترك بالهاويه مكان انتظار الاشرار الى يوم القيامة
وان كان مؤمن صالح ينتظر بالفردوس مكان انتظار المؤمنين الى يوم القيامة
الهاويه مكان بشبع عبارة عن انسان يسقط من مكان مرتفع باستمرار دون ان يرتطم بسطح
والفردوس مكان الابرار مكان جميل ورائع

وياتى يوم القيامة
الابرار يذهبون الى السماء ويحصلون على جسد ممجد لا يجوع ولا يعطش ولا يشعر بالالم
والاشرار يذهبون الى الجحيم ويحصلون على جسد ايضا لا يبلى ولا يحرق من النار ولكن يشعر بالالم

سؤالى

 
هل الاشرار يعزبون بارواحهم واجسادهم معأ ؟
ام يعزبون بجسد فقط ؟

اذا كان جسد فقط اذا لا شعور بالالم لان الروح هى من تمد الجسد بالشعور بالالم والسعادة والمعاناة وبدونها الجسد مهما فعلت معه لا يشعر بشىء

اذا كان الاشرار يعزبون بارواحهم واجسادهم معأ؟

فما هو ذنب الروح ان تعذب بالجحيم ؟ الروح التى تشتهى الى الروحانيات والصلاة والصوم والعبادات
لماذا تؤخذ بذنب جسد شرير يشتهى الشر؟ لماذا؟

كلمة امين؟ ومصدرها؟

كلمة امين
كثيرا ما نسمعها؟
فى الاسلام المسيحية واليهودية وربما اديان اخرى
فما سر تشابة هذه الكلمة فى جميع الاديان الابراهمية؟
لماذا الاديان الابراهيمية تستخدم نفس الكلمة؟

لماذا لا تختلف نطق الكلمة فى العديد من اللغات؟
ما علاقة كلمة امين بنهاية الصلاة..؟..وما معناها؟
هل لها علاقة بالألة المصرى امون؟
هل يصح أن يقال ( آمين ) فى الصلاة أو فى الدعاء عموما ؟

كلمة ( آمين ) ليست عربية ولا وجود لها فى القرآن لفظيا. هى كلمة مصرية قديمة مشتقة من اسم الاله المصرى الفرعومى الشهير ( آمون ) وكان المصريون القدماء ـ فيما يبدو ـ يتغنون بها بطريقة تجعل الواو فى ( آمون ) تبدو مكسورة فتصبح أقرب الى ( آمين ). والى عهد قريب كان الريفيون المصريون ـ خصوصا فى الصعيد ـ يغنون بها فى الأفراح قائلين ( آمونا آمونا ). وهى فى الأصل دعاء الى الاله ( آمون ) وهتاف باسمه. انتقل هذا الهتاف الدينى الى التدين الاسرائيلى ، حمله بنو اسرائيل معهم ضمن تأثرهم بالديانة المصرية القديمة ، ثم جاء المسيحيون على آثارهم يهرعون ، فأصبح فى التدين المسيحى أن يقال ( آمين ) تأمينا على أى دعاء. وهو يقال بنفس اللفظ فى الانجليزية ،و فى الفرنسية غيرها
ناقشت بعض الأساطير المصرية القديمة التى تسربت الى عقائد اليهود ومن ثم المسيحيين ومن ثم المسلمين.

تهبيل موسوى

تهبيل موسوى
فى سفر التكوين اول سفر بالكتاب المقدس الذى يتحدث فية الله على لسان موسى قال
فى الاصحاح الاول وعدد 3 وقال الله ليكن نور فكان نور 4 ورأى الله النور انه حسن .وفصل الله بين النور والظلمة 5ودعا الله النور نهارا والظلمة دعاها ليلا........هذا كلة كان فى اليوم الاول من الخلق .....اولا قال الله ليكن نور ...اى نور ...هل الشمس .....وهى لم تخلق بعد..ام نور النجوم...وهى ايضا لم تخلق بعد...اى نور هذا بالله عليك يا موسى؟؟؟
نعود الى سفر التكوين والاصحاح الاول...وعدد16 فعمل الله النورين العظيمين ..النور الاكبر لحكم النهار والنور الاصغر لحكم الليل........احاااااااااااااااااااا...امال انت لما فصلت بين النور والظلمة فصلت ازاى؟ وانت لسة مخلقتش لا الشمس للنهار ولا القمر لليل؟؟فى العدد 3,4
احااااااااااااا....انت كنت سكران انت وربك يا موسى ولا اية....نور مين اللى انت قلت علية حسن؟ وفصلت باية بين النهار والليل.....ويعنى اية ليل ....ما الليل عندى نهار فى مكان تانى ولا انت يا موسى مدخلتش مدرسة؟ ...ولا حتى كتاب؟.بصراحة يا موسى انا مكسوفلك....اوى....اوى اقولك خد حسن وامشى

الدينى واللادينى ؟ ومشكلة التعميم؟

الدينى واللادينى ؟ ومشكلة التعميم؟

هل جميع الملحدين اذكياء؟هل جميع المتدينين اغبياء؟ هل جميع الملحدين مفكرين ؟ هل جميع المتدينيين سطحيين؟ واسئلة كثيرة وردود اكثر يفتخر بها المتدين ويتفاخر بها ع الكافر.
والعكس صحيح امور كثيرة ربما لا صحة لها من الاساس ولكن ايضا
يتعالى بها الملحد على المتدين.....وكاننا انقسمنا الى نوعين من البشر

النوع الاول

نوع مؤمن بالاديان ومؤمن بالله ويؤمن ان جميع الكفرة اغبياء...يمارسون النكاح نهارا جهارا.....وانهم لا يحللون ولا يحرمون ولا يوجد لديهم ضوابط وروابط...وربما السبب فى ذلك العقلية الهشة التى يتميز بها بعض الملحدين وهى التى ارست قواعد هذه الفكرة فى عقل المتدين

والنوع الثانى

من البشر هو نوع لادينى لا يؤمن بالاديان ويختلفون مع انفسهم؟ ومع المتدين؟ فهناك الملحد والربوبى واللاادريةوهؤلاء يعتقدون انهم افضل من جميع البشر هم فقط الاذكياء...هم فقط المفكرين ...المتحررين...المتنورين...المثقفين...والمحترمين خفيفى الظل...والباقى من البشر منتهى الغباء والتخلف والرجعية...والا لاختارو اللادينية مثلنا

تعقيب

مع العلم ان هناك لادينيين .....لا يعرفون عن اللادينية شىء...هناك لادينيين فقط من اجل قضايا شخصية...وظروف حياتية...هناك من اصبح لادينى فقط لانة يؤمن ان الله هو من قتل اباه او امة....يظن ان الله هو من رفض شفاء صديقة الوحيد المريض بالكانسر ومات وتركه وحيدا...وهناك من يظن ان الله هو السبب فى بقاء الاحتلال فى بلدة...وهناك من يظن ان الله سبب فقرة ...هناك من يظن ان الله سبب مرضة...وهناك من لديهم اعاقات جسدية ...لذلك اخذ من مواقفة الشخصية ... منهاجا معاديا لله للكفر بة....وليس لانة تعب فى البحث والدراسة...والاكتشافات ...وقراءت الكتب.....هو فقط يكرة الله ويظن انة سبب كل الاشياء التى مر بها ...لذلك قرر ان ينكر الله على سبيل الانتقام منه.......وهناك اللادينى الحقيقى المثال الجيد للمتدينيين واللادينيين.......كلنا بالنهاية بشر لا فرق بين متدين ولا متدين
وهناك متدين لا يعرف عن دينة شىء لا يصلى ولا يصوم ولا يذهب الى دار العبادة وايضا يشرب ويسكر وينكح ما ملكت ايمانه, وايضا لم يختر دينة ولا طائفتة ولا حتى ربه ولا يفقه فى علوم دينة ولا يعرف المشرق من المغرب ويكذب ويحلف ورغم ذلك يغير على فكرة غيرة عمياء لدرجة التضحية بالنفس البشرية 

كلمة اخيرة

اووووف ما هذا يا بشر افيقوا استحلفكم بجميع ايمانياتكم...
الثقافة ليست حكرا على احد ولا الاخلاق والعفة والفضيلة حكرا على احد دون الاخر
ليس الذكاء موهبة لاحد دون الاخر....ولا التربية...ولا الحكمة...ولا الثقافة..حكرا على احد...كلنا بشرا ....نصيب ونخطىء......ننجح ونفشل....نسقط ونعود لنقف...لدينا نفس الاهتمامات والاحتياجات..نعانى احيانا من نفس الضغوط.....ارحمو بشريتكم...ولا تثقلو على انسانيتكم....ولا تجعلو حواجز تمنعكم من احتضانكم لبعد ...ولتدعيم بعضكم لبعض

تحية احترام وتقدير

تحياتى الى الانسان فى كل مكان وزمان
تحياتى الى ارواح المناضلين من اجل حرية
الانسان من سلطة وعبودية الفكرة

عاش الانسان قانونا وسلطان
.عاش الانسان حرا مفكرا ومبدعا...
تحياتى لكل البشر متدينيين وكفره

الحقيقة المطلقة؟ والمعرفة الكاملة؟

الحقيقة المطلقة؟ والمعرفة الكاملة؟
لا سبيل للمعرفه الكاملة.....والحقيقة المطلقة لا يملكها احد....كل ما نعرفه فقط هو جزء من المعرفة .......وكل ما توصلنا الية هو فقط اجتهادات اشخاص....وكلنا نبحث عن المعرفة والتعلم ونهوى الاكتشاف...ويقتلنا الفضول ونعيش ونموت ونحن نتوهم باننا كدنا نصل الى الحقيقة او اننا وصلنا اليها..وكلا منا يريد فرض ما توصل الية.... ويفتخر بة.....ولكن فى الحقيقة اننا لم نصل الى شىء.... فقط استطعنا ان نقنع انفسنا بما توصلنا الية ...رغم انة من الجائز او من الممكن جدا ان يكون ما توصلنا الية بعيد كل البعد عن الحقيقة......ربما

قال الله ؟ ولم يفعل !!!!

قال الله ؟ ولم يفعل !!!!

قال
 مرض مما وضعته للمصريين لا اضعه عليك فانى انا الرب شافيك خر 26:15 ...

اليوم اتسأل هل لا يوجد فى بنى اشرائيل مرضى؟او المسيحيين؟
...الا يوجد فى اسرائيل مستشفيات؟وعيادات؟ واطباء؟
وشركات ادوية وابحاث تقام ومليارات تسخر للطب؟

او ايضا فى المسيحيين؟بما انهم ورثة هذا الوعد؟ بالايمان

......
والى الان يصدقون انهم شعبة المختار..... وانهم مسيحيين محروسين
وانة هو الله شافيهم
وانة يفضلهم على العالمين اجمعين
هل وصل الاهمال من قبل الله لدرجة انة يهمل شعبة المختار!!!!!!!!!!

ومن مات من اجلهم ؟ واتى لكى تكون لهم حياة ويكون لهم الافضل ؟... الافضل لديك حروب ومجاعات واعاصير وزلازل وبراكين وامراض لا تحصر؟؟؟؟؟؟؟ اخبرنى ؟

الحجاب؟ ومصدرة؟ وبدايتة؟ وكيف كان وتطور؟

الحجاب؟ ومصدرة؟ وبدايتة؟ وكيف كان وتطور؟

الحجاب اليهودى
بينما كنت اتصفح بعض المواقع وجدت لايعرفه الكتير تلك هو التقليد الاعمى لــ الحجــــاب اليهـــــودى والمعروفة عندنا بربطات الاسبانيش ,,,,,,,

...معلومة لا يعرفها الكثيرون
وهو أن اليهود عندهم في ديانتهم
حجاب للنساء ايضا
كما عند الراهبات في المسيحية

فلكل ديانة فُرض حجاب
وإليكم صور عن الحجاب اليهودي الذى اصبح حجابا لبنات المسلمين

هل فكرتم من اين جائت موضة الحجاب الاسلامي هذه الأيام
لو مش مصدقين أعملوا بحث في الغوغل واكتبوا
(Jewish Scarf)
الحجاب اليهودي وشوف اللى راح يطلعلك؟؟؟
والاسلام اخبرنا هذا التقليد الأعمى لليهود الذي سيحصل من قبل المسلمين
فلماذا هذا التقليد الاعمى الذى يفضحكم؟ اليست هذة من عادات الكفار؟ فهو تقليد  واقع لا محالة، قوله: "لتتبعن سنن من قبلكم؛ شبرا بشبر، وذراعا بذراع، حتى لو دخلوا جحر ضب تبعتموهم". قيل: يا رسول الله! اليهود والنصارى؟ قال: "فمن" . متفق عليه
بينما أمرنا الله سبحانه وتعالى أن نتّخذ بنات النبي ونساء النبي صلى الله عليه وسلم قدوة لبناتنا ونساءنا في اللباس والاخلاق
قال الله تعالى : " وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ
فما هو الخمار على الجيب الذي ذكره الله في القرآن ؟؟؟؟؟؟ r
ولماذا نتبع سنن نهانا الله وصلعم عنها ؟
ولماذا بنات ونساء صلعم اتبعن هذه السنن؟
وما علاقة الحجاب بالاديان؟لان الحجاب فى اليهودية والمسيحية قبل الاسلام؟
ام هو تقليد لغرض التقليد..................تقليد والسلام

 

 

 

المسيحية ونظرتها للعالم

المسيحية ونظرتها للعالم

لا تحبوا العالم و لا الاْشياء التي في العالم , ان اْحب اْحد العالم فليست فيه محبة الاب . لاْن كل ما في العالم : شهوة الجسد , و شهوة العيون , و تعظم المعيشة , ليست من الاب بل من العالم . و العالم يمضي و شهوته , و اْما الذي يصنع مشيئة الله فيثبت الى الاْبد . 1يوحنا 2: 15-17

1: امال احب مين بدين اهلك؟
2: مش انت يا عم اللى خلقت دين ام العالم؟
3: انت مش الاب امال انت مين ؟ انت مين؟
4: انت بتقصد انى انعزل عن العالم ؟ (الممنوعات)
5: الاشياء دى ليست من الاب بل من العالم.....الله الله هو العالم بيخلق ؟
6: العالم يمضى وشهوتة معة....هيروح فين؟ ....عشان اروح لية؟
7: اللى هيصنع مشيئت الله يثبت الى الابد!!! هيثبت فين ياعم طالما العالم ذاهب؟

إثنان لايتفقان ابدا....... ولكن ؟؟؟؟؟

إثنان لايتفقان ابدا....... ولكن ؟؟؟؟؟
المسلم
المسلم يتريق على دين ام المسيحى على رب دين ام المسيحى على ام كتاب المسيحى ويقول كفرة عباد صليب مشركين انبيائهم زناة محرفين كتابهم المكدس

المسيحى
...والمسيحى يتريق على دين ام المسلم وعلى رب دين ام المسلم وام كتاب المسلم
ويقول دول سفاحين سفاكين دماء نبيهم مزواج زانى مقتبسين من التوراة والانجيل
ومرضاء نفسيين يحتقرون المراءة وكان لهم27 نسخة من قرءانهم الكليل

 ولكن ؟؟؟؟؟ 

لما ييجى واحد لادينى يفتح بقة ولا يقول كلمة تلاقى الكل بيشخر وتسمع سيمفونية الشخر العالمية للمتدينين.... وازاى وانت كافر وانت حقير كيف تجراء انت وقعتك سودة
وكانك غلط فى اللى مبيتغلطش فية.... ومليون كيف؟؟؟؟... ومليون ازاى؟؟؟؟ ...دة انتم مسخرة دة انتم ناس فظيعة وكأن القيامة قامت...

دعوة للتعجب والاندهاش !!!!!!!!!!!!

دعوة للتعجب والاندهاش !!!!!!!!!!!!
الكل يريد ان يدخل للجنة .. لكن لا احد يريد ان يموت؟؟؟؟؟؟؟
الكل عارف ان ربنا موجود وشايفة....ولسة برضه بنغلط ( بنعمل معاصى وخطايا وذنوب)... الخ الخ الخ

يمكن علشان ان احنا فى قناعتنا الغير مدركة فى اعماق دواخلنا ان بعد الحياة لا فى جنة ولا يحزنون لذلك نقدر الحياة اكثر من الموت حتى وان كان يتم الضحك علينا بالجنة
وايضا عندنا ايمان فى داخلنا غير مدرك يعلم ان هناك لا فى الله ولا يحزنون ولا جحيم ولا زفت بس بنضحك على نفسنا لاننا بنعشق الماسوشية..... وبنحب نبضن نفسنا ولكن من جوانا بنعشق كسر الحواجز علشان كدة بنعمل حواجز لنفسنا وبنرجع نكسرها........مدهش فعلا

يا خراااااااشى !!! فعلا

يا خراااااااشى
هل تعلم معنى كلمة خراااااشى؟
يا خرااااااشى كلمة قديمة ذات جذور تدل على النداء إلى الشيخ الخراشي أول شيخ للجامع الأزهر كي ينصرهم على الظلم الواقع عليهم من أي شيء.
قاضى زاع سيطة وانتشرت سيرتة واشتهر بحكمتة وعدلة وانصافة للضعفاء والفقراء
ولا يصعب علية شىء ولا قضية جاءت الية الا وحكم فيها وفصل فى امر المتنازعين بحلول مذهلة ترضى الجميع وكان جميع المتنازعين عندما تتأزم الامور ويصعب حلها من خل......ال اكابر القوم كانو يقولون يااااا خراشى او مثلا حين تحدث مصيبة يقولون : يا خراشي ، وإذا ظلمهم حاكم البلاد قالوا: يا خراشي،
مات خراشى ... ودفن ... واختفت سيرتة ... ولا احد يتذكرة
ولكن لم ينتهى خراااااااشى من عقول البسطاء ولا فى احاديثنا اليومية وكثيرا ما نقول يا خراااااااااشى ونحن لا نعلم اننا فى الحقيقة ننادى على خرااااااااشى الشيخ العادل منصف الضعفاء
توفى سنة 1690 ميلادية
—

المسيحية ........ماذا فعلت؟؟؟ فى صاحبها ؟ فى مبشريها؟ فى معتنقيها؟

المسيحية !!!

ماذا فعلت فى صاحبها ؟ماذا فعلت فى مبشريها؟ماذا فعلت المسيحية فى معتنقيها؟

اولأ: ماذا فعلت مع صاحبها ؟
ظل مضطهد من رجال الدين اليهودى .خانو احد اتباعة من اجل المال او من اجل تعنيفة على اليهود ,انكر من احد اتباعة ثلاثة مرات.لاقى التعزيب من الرومان, واخيرا مات مصلوبا

ثانيا ماذا فعلت فى المبشرين بها؟
بطرس: صلب
بولس: قتل بالسيف
متى: قتل بالسيف
توما: طعن بحربة
يعقوب بن زبدي: قتل بالسيف
يعقوب بن حلفي: صلب
أندراوس: صلب
سمعان: صلب
برثولماوس: صلب
فيلبس: صلب
تداوس: رميا بالسهام
يعقوب أخو يسوع: رجم
استفانوس: رجم
يوحنا: مات ميتة طبيعية ولكن نفى فترة قبل موتة

ثالثا :ماذا فعلت المسيحية فى معتنقيها؟
اضطهدوا من العالم كلة ومن كل الانظمة

ا: مع اليهود
في القرن الأول، كان أشد الناس عداوة للمسيحيين في القدس هم اليهود وكان اضطهاد المسيحيين في القدس على يد اليهود، من قبل المؤسسة الدينية اليهودية من ذلك الوقت.وصارو مشتتين وبسبب هذا الشتشتت والرفض هاجرو الى بلاد مجاورة وهذا ساعد على انتشار المسيحيه

ب: مع الرومان
رفض المسيحيين تأليه الإمبراطور الروماني وعبادته كما رفضوا الخدمة في الجيش الروماني، ولذلك نظرت الحكومة الرومانية إلى المسيحيين على أنهم فرقة هدامة تهدد أوضاع الإمبراطورية وكيانها، بل وسلامتها.
بدأ اضطهاد الدولة الرومانية الرسمي للمسيحيين في عام 64م على يد الإمبراطور نيرون وحتى عام وفاته 68م بتحريض من زوجته بوبياسبينا وعرف هذا الاضطهاد بالاضطهاد الأول، أما الاضطهاد الثاني فقد تم بين عامي 95 – 96م زمن الإمبراطور دوميتيان في عصر نيرون كثرت المؤامرات والاغتيالات السياسية التي كان له يد في تدبيرها وكانت أمه "أجريبينا" إحدى ضحاياه وماتت وهى تلعن جنينها نيرون التي حملته في بطنها وأبلت به العالم، ومن ضحاياه أيضاً "أوكتافيا" زوجته الأولى
أشهر جرائمه على الإطلاق كان حريق روما الشهير سنة 64 م
وهلك في هذا الحريق آلالاف من سكان روما وأتجهت أصابع اتهام الشعب والسياسين تشير إليه إلى أنه هو المتسبب في هذا الحريق المتعمد وكان لا بد له من كبش فداء أمام شعبه أما اليهود أو المسيحية الحديثة في روما، ولكنه رغم قناعته بأن زوجته اليهوديه ومن وراءها كانوا المحرضون على حريق روما إلا أنه اختار المسيحيه ككبش فدء لجريمته
وبدأ يلهى الشعب في القبض على المسيحيين واضطهادهم وسفك دمائهم بتقديمهم للوحوش الكاسرة أو حرقهم بالنيران أمام أهل روما في الستاديوم وفى جميع أنحاء الإمبراطورية حتى أن مؤهلات الولاة الذين كانوا يتولون الأقاليم هو مدى قسوتهم في قتل المسيحيين، وسيق أفواج من المسيحيين لإشباع رغبة الجماهير في رؤية الدماء، وعاش المسيحيين في سراديب تحت الأرض وفى الكهوف وما زالت كنائسهم وأمواتهم إلى الآن يزورها السياح
وأستمر الاضطهاد الدموى أربع سنوات ذاق خلالها المسيحيون كل مايتبادر إلى الذهن من أصناف التعذيب الوحشى، وكان من ضحاياه الرسولان بولس وبطرس اللذان أستشهدا عام 68م. ولما سادت الإمبراطورية الرومانية الفوضى والجريمة أعلنه مجلس الشيوخ السنات أنه أصبح "عدو الشعب" فمات منتحراً في عام 68 م مخلفاً وراؤه حالة من الإفلاس نتيجة بذخه الشديد والفوضى من كثرة الحروب الأهلية أثناء حكمه ويزعم أن نيرون هو القيصر الذي أشار إليه سفر الأعمال في (أعمال 25 : 28) و(أعمال 26: 32) ولم ينته اضطهاد المسيحيين بموته وفى 68 م في نفس هذه السنة الذي قتل فيه الوثنيين في مصر مرقس الرسول قتل أيضا نفسهً نيرون إمبراطور روما بطعنة خنجر.
في نهاية الثالث وبداية القرن الرابع. وذلك في عهد الإمبراطور دقلديانوس، الذي أمر بهدم الكنائس وإعدام كتبها المقدسة، وأمر بإلقاء القبض على الكهان، وسائر رجال الدين، فامتلأت السجون بالمسيحيين، وقتل الكثيرين بعد أم مزقت أجسادهم بالسياط والمخالب الحديدية، والنشر بالمناشير، والتمشيط بين اللحم والعظم، والإحراق بالنار، وقد سمي عصره باسم " عصر الشهداء

ج:مع الفرس المجوس
تعرض المسيحيون في بلاد ما بين النهرين إلى الاضطهاد في بدايات ظهور المسيحية في العراق وبلاد فارس على يد الساسانيين الفرس أتباع الديانة المجوسية والتي لا تزال أخبارها مذكورة لدى مسيحيي العراق

د: مع المسلمين
* وقتلوا من وجدوا بها من رجال ونسوة وأطفال
الغارة الأولى على الفيوم والبهنسا - أوائل مايو 640م (7)
ثم عبر العرب النيل تجاه الفيوم ، وكانت ثغور الفيوم ومداخلها قد حرست حراسة حسنة وأقام الروم حامية لهم في حجر اللاهون، فعدل العرب إلى جانب الصحراء وجعلوا يستاقون ما لاقوا من الأسلاب

* مقتلة عظيمة
حصن أم دنين موقعة عين شمس - منتصف يوليو 640 (8)
زحف المسلمون بعدها إلى حصن أم دنين شمال حصن بابليون، فوجدوا حامية كبيرة رومانية، فأحدث المسلمون بهم مقتلة عظيمة، وتوقع الروم عندها أن عمرو بن العاص سوف يتوجه مباشرة نحو حصن بابليون ، ولكن عمرو بن العاص توجه غربًا، فعبر النيل، وكأنه يريد أن يوهم العدو أنه منصرف إلى بلاد النوبة،

* و أحدثوا في أهلها مقتلة عظيمة
غزو الفيوم : أواخر يوليو 640م (11)
لما بلغت أنباء نصر العرب إلى الفيوم غادرها من بها من المسالح الرومانية ، فخرج (دومنتياس) قائد الحامية من المدينة، في الليل وسار إلى (أبويط) ثم هرب إلى نقيوس، ولما بلغ نبأ هروبه إلى عمرو بن العاص، بعث كتيبة من جنده عبروا النهر وغزوا مدينتي الفيوم وأبويط وأحدثوا في أهلها مقتلة عظيمة فسقطوا دون دفاع ، ولم ينج من هذه المذبحه الا جندى واحد اسمه زخارى

* مذبحة الخديعة
حصار حصن بابليون لمدة 7 أشهر : بدءا من أوائل سبتمبر 640م (12)
ويظهر من قول بن دقماق أن العرب غزوا تلك الجزيرة في أثناء حصارهم لحصن بابليون، فلما خرج الروم من هناك هدم عمرو بعض أسوارها وحصونها. (13)
ولم يسقط الحصن إلا بالخديعة في قول يوحنا النقيوسي ، فقد أوهم العرب الروم بالانسحاب حتى يخرجوا من الحصن ، ولما خرجوا أطبق عليهم عمرو من ثلاث جهات (14) ، بينما يرجع المقريزي وغيره سقوط الحصن إلى الزبير (15)

* فقتل منهم خلق كثير وأسر من أسر
تسليم الحصن (معاهدة بابليون الأولى): أكتوبر 640م . (16)
وطلب عمر ابن العاص خضوع الافباط فقالو
أو يرضى أحد بهذا الذل! أما ما أرادوا من دخولنا إلى دينهم فهذا ما لا يكون أبدا، نترك دين المسيح ابن مريم وندخل في دين لا نعرفه. وأما ما أرادوا من أن يسبونا ويجعلونا عبيداً فالموت أيسر من ذلك؛ لو رضوا منا أن نضعف لهم ما أعطيناهم مراراً كان أهون علينا وأمروا بقطع الجسر من الفسطاط والجزيرة وبالقصر من جمع القبط والروم جمع كثير فألح المسلمون عند ذلك بالقتال على من في القصر حتى ظفروا بهم وأمكن الله منهم فقتل منهم خلق كثير وأسر من أسر) –(17)

* ولم يدعوا رجلا ولا امرأة ولا طفلا
استيلاء العرب على نقيوس وما حولها في 13 مايو 641م (22)
قال يوحنا النيقوسي: "فقتلوا كل من وجدوه في الطريق من أهلها، ولم ينج من دخل الكنائس لائذا، ولم يدعوا رجلا ولا امرأة ولا طفلا، ثم انتشروا فيما حول نقيوس من البلاد فنهبوا فيها وقتلوا كل من وجدوه بها، فلما دخلوا مدينة (صوونا)، وجدوا بها (اسكوتاوس) وعيلته وكان يمت بالقرابة إلى القائد (تيودور) وكان مختبئا في حائط كرم مع أهله، فوضعوا فيهم السيف فلم يبقوا على أحد منهم".
فكان هذا دليلا على توحش العرب ، وكراهية الأقباط لهم ، وأن العرب لم يفرقوا بين الروم والأقباط فأمعنوا القتل في كلاهما (23)
الى الان مستمر اضهاد المسيحيين والى الان ينتظرون الله يتدخل
الاله الذى قال انتم تصمتون وانا ادافع عنكم الاله الذى قال يسقط عن جانبك الف
وربوات عن يمينك اليك لا يقربو انما تنظر بعينيك مجازاة الاشرار .اين هو؟ اين ربكم؟ ماذا فعل؟