" الاصحاح الاول
من سفر نشيد الانشاد
ترنيمة المرنمــين على الاعواد "
يا حبيبت القلب ميلى
وتعالى جنبى .. ورنميلى
وتعالى جنبى .. ورنميلى
انا يا حبيبتى وجودى ناقص
وانتى وحدك .. .. بتكملينى
وانتى وحدك .. .. بتكملينى
انا يا حبيبتى حيالا قمرة
فا مليش وجود من بعد ليلى
فا مليش وجود من بعد ليلى
يظهر بياضى فى ليلة سمرة ..
وانتى ليلى . وبتشملينى
وانتى ليلى . وبتشملينى
عمرى ياللى عشته قبلك
عمر ضايع وبـــ بلاش
عمر ضايع وبـــ بلاش
وكل لحظة حلوة قبلك
كلام حقيقى .. مــعشتهاش
كلام حقيقى .. مــعشتهاش
قلبى دق اول ما قابلك
اصله عاش ملهوف عليكى
اصله عاش ملهوف عليكى
راح بعت مرسال لقلبك ..
بعت يقول "بموت عليكى"
بعت يقول "بموت عليكى"
باعت يقولك يالا .. ميلى
بــ الدقايق والساعات
بــ الدقايق والساعات
عارفه لما هــ تعشقينى ..
هترجعى عمرى اللى فات
هترجعى عمرى اللى فات
خليتى كل الحاجات بتكمل
بس لما .. بتقربيلى
بس لما .. بتقربيلى
خليتى معنى الصعب يسهل
وانتى جنبى .. بتشجعينى
وانتى جنبى .. بتشجعينى
خليتى معنى الحياة بيظهر
بس لما .. بتظهريلى
بس لما .. بتظهريلى
بقيت بشوف الحياة بتضحك
بس لما .. بتضحكيلى
بس لما .. بتضحكيلى
يا حبيبتى يالا ميلى
قبل ما يفوت المعاد
قبل ما يفوت المعاد
منافعشى تبقى بنت نيلى
ويبقى حاضنا البعاد
ويبقى حاضنا البعاد
وافرحى... دا الحب عاد
ملى روحك بالمعاد
ملى روحك بالمعاد
خلى روح الحب ترمح
فى الشوارع والبلاد
فى الشوارع والبلاد
خلى معنى الخير يعود
عرفيه معنى الوجود
عرفيه معنى الوجود
بس قولى كلمة واحدة
حققى .. كل الوعود
حققى .. كل الوعود
فــ عادى يعنى اقبلينى
والعنى .. قوانين .. ظروفك
والعنى .. قوانين .. ظروفك
حرام عليكى تقتلينى
من خلال .. صمتك .. وخوفك
من خلال .. صمتك .. وخوفك
زى الهوا اتنفسينى
يا حبيبتى .. اول ما اشوفك
يا حبيبتى .. اول ما اشوفك
بكل شهوة استطعمينى
خلى طعمى.. يدوب فى جوفك
خلى طعمى.. يدوب فى جوفك
افنى كل وجود فى شوقك
اصل بعدك كله فانى
اصل بعدك كله فانى
خلينى شىء يجرى فى عروقك
ومنيش عايز حاجة تانى
ومنيش عايز حاجة تانى
حقيقيلى هناك وعودك
حولينى لشخص تانى
حولينى لشخص تانى
خلى عينى تشوف شروقك
ومشوفش بعد شمس تانى
ومشوفش بعد شمس تانى
وتبقى شمسى وتبقى ليلى
وتبقى معنى للفرح
وتبقى معنى للفرح
واول مانتى بـــ تقربيلى
بــ تداوى قلبى اللى انجرح
بــ تداوى قلبى اللى انجرح
مــا انتى مش شبه الملايكة
دى الملايكة .. تشبه اليكى
دى الملايكة .. تشبه اليكى
ومش راح اقول راجع بلادى
انا راح اقول .. راجع لــ ميكى
انا راح اقول .. راجع لــ ميكى
اشهد بأنى ما ليا غيرك
واشهد بأنك .. ميه ... وزاد
واشهد بأنك .. ميه ... وزاد
وفرح قلبى .. فضلت خيرك
والضحكه فــ وشوش الولاد
والضحكه فــ وشوش الولاد
ياللى صوتك .. صوت قداس
ياللى وجودك غطى عيوب
ياللى وجودك غطى عيوب
لو كنتى ارض .. هكون الفاس
ولو كنتى صبر ... هكون ايوب
ولو كنتى صبر ... هكون ايوب
خليتى ليا .. ارادة حية
وقلبى طاهر مــ الذنوب
وقلبى طاهر مــ الذنوب
خليتى روحى راده فيا
ونفسى خاليه من العيوب
ونفسى خاليه من العيوب
وعشان هنبعد عــ المغالطة
من النهاردة .. هحج ليكى
وان غلطت اى غلطة
اللهم انى .. اتوب اليكى
من النهاردة .. هحج ليكى
وان غلطت اى غلطة
اللهم انى .. اتوب اليكى
ليست هناك تعليقات:
إرسال تعليق