هى من تكون ؟؟؟

اربطينى مثل أوتارك

                واعزفينى بعض الحانك

أعزفينى فوق شطئانك

                 واطلقينى فى سكون

حياتى بعدك قد تكون

                 وحشه وحيره تلو الظنون

والدمع ايضا قد يخون

                 ويفر من بين الجفون

والناس حولى يسالون

                 سر بكائى من يكون

انا لا اعرف غير انى

                 ضيعت عمرى فى التمنى

لم ادرى يومها انى

                 كنت عاشق فى جنون

قد كان طيفك يدنو منى

                     وكان يدنو فى تجلى

يومها رائيت سجنى

                  فيه الصبايا يحرسون

ورائيت وجهى فى المرايا

                  رائيتنى احد الضحايا

ماذلت امضى فى هوايا

                  وماذال قتلى يدخلون

فاقبلى منى صلاتى

                  فاقبلى عمرى حياتى

عابدك حتى مماتى

                  انتى ربى يالحنون

أزرعينى فوق قصرك

                  واربطينى فوق خصرك

اجعلينى خصال شعرك

                  غير ذلك لن اكون

انتى نورى وحياتى

                  انتى غفوتى وسباتى

انتى يقظتى ونشاطى

                  كل شىء معكى يكون

انتى الراحة والعناء

                  نبض الحان الوفاء

ليس فيكى كبرياء

                  وقد تكبر الخاسرون

انتى نور وضياء

                  انتى رمز للدهاء

انتى اذكى الاذكياء

                  وكل الناس يعرفون

انتى رمز للسلام

                  انتى نور  للانام

ليت لى منكى غلام

                  مثلكى انتى فى العيون

انتى ازهار الحديقة

                  انتى الوهم والحقيقة

حبك اضحى طريقه

                  فيه الزهاد يسلكون

انتى ما كان وأتى

                  انتى فى دينى صلاتى

معك امضى فى ثباتى

                  والناس خلفى يهتدون

هى فاء الف وطاء

                 وهى رمز للعطاء

هى ايضا ميم وهاء 

             هل عرفتم من تكون؟؟

سؤال ؟؟؟

طب يا حواء نفسى اسألك سؤال

مبنى على كل شى اتقال

واتبنى على كل الافعال

هو لية اللى يعشق كل حاجة فيكى

بيوصفوه بابشع حاجات ...

ويبشروه بالممات

ويصلبوه من سكات ...

ويقول حيالله كلب ومات

هو لية يا حواء فيكى  
كل حاجة مستحيلة

رغم ان فيكى كل حاجة
فعلا جميلة

لون عنيكى

اسود سواد ينكسف منه الليل

خصرك ...

بيقسم على دقات قلبى .. اهات
شفايفك 
البوسه منهم سكرتنى ...ساعات
ايديكى
مكتوب فيهم تاريخى اللى ..فات

امال لية اللى يشوف عنيكى يتعمى؟؟

ولية كل اللى شاف جمالك يترمى؟؟

يترمى فى جب الاسود

ويتسخط شبه القرود؟

لية ؟

وانتى شفايفك سكر معقود

صلبونى يا حواء

لاجل عيونك الطاهره

لاجل خدودك الزهرة

لاجل قوامك يا مهره

صلبونى يا حواء ولا سموش

كلهم عرونى ولا غطوش

عرونى اه والله ولا اتكسفوش

صلبونى يا حواء ولا صليت

ولا ركعت ولا غنيت

صلبونى هما ... وانا استكبرت

شتمونى هما .....وحدى انا استغفرت

خافونى هما ...لما انا كبرت

انا المصلوب يا حواء بصى فى عنيا

وحدى يا حواء ولا فيش حد حواليا

صعبان عليا من الهواء

فى عز الموت يا حواء

فايتنى وحديا

بصيلى فى عنيا وجوبينى

لو كنتى صحيح بتحبينى

كلمينى

فهمينى

عرفينى

كل ده لية

وعلشان اية

وبس لية

صلبونى

لا انا اول العاشقين

ولا اخر المعشوقين

لا انا اول المصلوبين

ولا اخر المقتولين

ده لسة فى كتير جايين

فهمونى بس لية

ماتو عيالكم محرومين

والمية عنديكم والبحر عنديكم

والقله عنديك والفرح باديكم

حرام عليكم نموت عطشانين

الاميرة والجنى

حبيبتى تأخذنى كطفلها الوليد

تستقبلنى مبتسمة...كيومها الجديد

تعاملنى كطفل

تداعبنى كطفل

تلامسنى كطفل

وتدنو من وجهى كطفل

تمسكنى كقطعة حلوى

تأكلنى كالمن والسلوى

تسكننى كمسكن ومأوى

فأنا ملجاءها الوحيد

وفجرها الجديد

وحاضرها السعيد

وحلمها البعيد

تتصارع مع كل الاشياء لاجلى

مع الايام والساعات والدقائق لاجلى

تبيع كل الاشياء لاجلى

تبيع الماضى والمستقبل

وتشترى الحاضر لاجلى

تنازلت عن عروشها....لاجلى

رفضت الملابس الملكية

رفضت جميع الملوك

رفضت الجميع ووقعة الصكوك

رفضت ان تبدى كلام

رفضت ان تلقى حتى السلام

رفضت ان تبيعنى للموت

رفضت وبح معها الصوت

اعشقها

اعشقها انا حتى الثماله

اعشقها حتى يبلغ العشق اكتماله

اعشقها وهى قلبى وكل ماله

اعشقها وعشقى له الم .....لا اقوى على احتماله

سأنتظرك

حتى يبح الصوت منى

سأنتظرك
حتى يضيع العمر منى
سانتظرك

حتى تضيع الصحة منى

سأنتظرك

حتى وان ضاع الكل منى

سأنتظرك

وسوف انتقم واثور لغيابك

اقلب الموائد والاطعمة

اغرق السفن العائمة

ايقظ الاطفال نائمة

سأجعل البشرية نادمة

سوف اغير شكل الكرة الارضية

سوف اغير كل التواريخ الازلية

سوف اغير الفصول والازمنة الابدية

سوف اغير القطبين

سأجعل الصيف شتاء والشتاء صيف

ساجعل الخريف ربيع والربيع خريف

سأجعل الامطار تهطل دون دعاء

سأجعل الشمس تشرق وتغرب دون نداء

سأجعل بينهم اسقاما ليس لها شفاء

والازهار انبتها فى الانهار

اجعل النهار ليل 
والليل نهار

سأجعل الارض تغضب دون سابق انذار

الى ان تأتى

الى ان تأتى واحتضنك

الى ان تأتى وادنو انا منك

الى ان تأتى واداعبك

نعمر الارض معا

نطرد الشيطان معا

ونزرع الارض حبا معا

نعيد كل الاشياء لطبيعتها معا

ونمشط الارصفة معا

ونتفقد قلوب البشر معا

معا فقط تعود الطبيعة كسابق عهدها

معا فقط تعود الطفولة الى مهدها

معا تعود الحياة تجلس على عرشها

لك ومعك و منك واليك كل القبل

صراع الاصل والصورة

ضحك ولعب وفشر وكذب

                الرجل تدب ماطرح ما تحب

بالعين هتشوف لما تشب

                كل حقايق الناس أسطورة

الكل يقولك أحنا وبس

                هنا وبس تشوف وتحس

قرب منا أكيد هتمس

                وجه الله ف أحسن صورة

أحنا شعب الله المختار

                ماشى معانا ليل ونهار

لية خايف؟ولية محتار؟

                أمن صدق تشفى العورة

أحنا ابونا أبراهيم

                وأسم الهنا الوهيم

رئيس أحبار السنهدريم

                كل قلوبنا بيه مسرورة

أحنا عبرنا بحر سوف

                ورئيس اعدائنا بات مكسوف

بص بعينك بص وشوف

                أصل الهنا أيده قديره

ضرب مصر عشر ضربات

                نزل فيها جميع ويلات

البن ف ايده صبح شربات

                خلى مصر تبات مقهورة

أحنا فى دينا مسيحيين

                كمالة دين اليهوديين

الهنا آله صادق وأمين

                مش أوهام ولا اسطورة

أحنا شعب الله المحبوب

                عشانا الهنا مات مصلوب

شايف كاشف كل غيوب

                على كفه اسامينا محفورة

أحنا حبيبنا أسمه يسوع

                ماسح بأيده كل دموع

عمره ما جف معاه ينبوع

                حتى الصحراء بيه معموره

أحنا كلامنا زى حمام

                أحنا حقايق مش اوهام

ويا الحب مفيش خصام

                بالحب نغير ناس شريرة

طريق الله هو يسوع

                لو انكرته مفهش رجوع

امن نعمل ليك اسبوع

                تفرح بيك السما والجيره

أحنا دينا ده الاسلام

                جايب دينا خير وسلام

فينا شيخنا كبيرنا أمام

                بضحكة خلى الناس مسرورة

أحنا دينا دين توحيد

                جانا رسول خاتم وفريد

تقدر تلبس لبس العيد

                لو تحفظلك يجى كام سورة

كل كلامنا جد ف جد

                بص مفيش فينا مرتد

اسمع كلمة بقولها بجد

                أمن تسلم مش فزورة

أحنا رسولنا لينا معين

                هادى ورحمة للعالمين

قرب قلى يقدر مين؟

                يقلد كلمة قالها ف سورة

دين الله هو الاسلام

                أى كلام تانى اوهام

أمن تبقى اكيد فى سلام

                كذب تبقى غورت فى غوره

ده تلخيص كل الاديان

                فيها شيطان وفيها ديان

وفيها السلم والثعبان

                نفسك تعرف أصل الصورة؟

كل دول ياناس تقليد

                ومجاش فيهم أى جديد

ولا فيش منهم شىء هيفيد

                بس مكرر للأسطورة

ادخل فتش جوه الدين

            جوه الدين منقسمين

ركعو وسبو وقالو أمين

            حتى أمين اصلها اسطورة

راجع راجع ف الاسطورة

                فسر كل نقوش محفورة

قارن الاصل هناك بالصورة

                هتعرف ان الدين شبوره

خايف احكيلك عقلك يطير

                عاوز اقولك وبدون تغيير

علشان تعرف انت والغير

                قارن دينك بالاسطورة

لازم تسمع عن جلجامش

                هوه نوح هوه, ولا مش

أقراء وافهم وبطل غش

                بطل تخدع م الاسطورة

أكيد مسمعتش عن حمورابى

                أول شرع كان كتابى

أول من شرع حمورابى

                مش موسى أصل الاسطورة

اكيد تعرف اخناتون

                أول من وحد أمون

هو العازف ماشى ع التون

                وغيرو حقايق لكن مستورة

اخناتون ناشد اناشيد

                داود عبد وهو السيد

سارق منه كتير اناشيد

                اناشيد أصل ومزامير صورة

فتش كل حكاوى زمان

                هات من بابل لليونان

أقراء ترجم أقراء كمان

                أقراء تسهل كل عسيره

أقراء عن بوذا وكرشنا

                يمكن بولس والله غاششنا

أقراء يا شيخ بطل تدوشنا

                كلو مقلد , مش فزورة

اقراء عن اديان الهند

                اقراء عنها وطوف فى السند

هتلاقى الواد شبه الجد

                هتلاقى قبورنا هناك محفورة

انتم شعب الله المحتار

                ما بين جنة ما بين نار

زمن الكذب ولى ودار

                وانتم لسه فى توهة وحيرة

قولها بصوتك بطل همس

                انا مش هوه بتاع الأمس

كل كلامكم همس فى همس

                قالو وقلنا عن ابن هريرة

واللى قالك كلام رحمان

                بص شوف سجع الكهان

زى كلام سطيح الغلبان

                والزرقاء بنت زهيرة

أخر واحد جانا بدين

                سارق جامع م الاتنين

جاى بشرع وجاى بدين

                جاى حافر حفرة محفورة

أسمع منى فتح شوف

                كل كلامى ع المكشوف

رتب جمع كل حروف

                بطل لف وبطل حيرة

سبقوهم هم خلق كتير

                وكل كلاهم صار اساطير

طير بجناحك رفرف طير

                اوعى تصدق ناس مسحورة

أوعى تصدق أى كلام

                أياك تلبس مره لجام

ريح راسك أغفى ونام

                يمكن بكره تموت اسطورة

جوه دينك انت حقير

                انت أكيد انسان شرير

ربك ناس فيك تصغير

                حتى دماغ ربك شريرة

ريح نفسك يا انسان

                لية تقبل تعيش غلبان

لية تأخد بالقمح زوان

                بأيدك توصل لأجمل صورة

بأيدك بس انت بنيت

                انت زرعت وانت جنيت

بطل بس تقولها ياريت

                لسه الغد بيحمل نوره

ليك المجد وكل جلال

                كسر حطم كل غلال

افضح كل كلام اتقال

                حاول تخرج من البلورة

ليك العظمة يا انسان

                ليك القدرة والسلطان

ليك الشكر والعرفان

                تشهد عنك أى اسطورة

أنت أنت فى كل زمان

                أنت الزهرة والبستان

أنت الغنوة والألحان

                أنت الحل والفزورة

أنسان يا سر الوجود

                أنت الحق وانت الودود

بأيدك عبرت أعلى السدود

                بعلمك عبرت بحور الحيرة

أنت الأب وأنت الولد

                أنت البناء وأنت الهدد

انت الآله وأنت الصمد

                أنت الأصل والتصويرة

عيد اضحى مبارك

كل عام ومصر بكل الخير
ونحقق كل اللى بنتمناه
ودايما نعيش فى عدالة اجتماعية
وحرية فى الراى والتعبير
ونحيا فى كرامة
اهداء منى الى كل مصرى

العيد السنادى
فى دارى ودارك
عيد اضحى مبارك
البس ابيض ولم عيالك
اتلو صلاتك
واقراء قرءانك
وادعى لمصر بكل الخير
وبقول اسف ع التأخير
انا مش طبعى التقصير
ده انا نفسى والله اطير
واهدى اللقمة لكل فقير
واحضن كل صغير وكبير
اصل انا قلبى قلب كبير
لسه الخير هناك بينادى
لسه فينا نبتة خير
والسه الحلة فيها فطير
تسلم ايدك يام محمد
بالنها والشفاء ياعم منير
والله نعمة كتيرة يا حجة
دة من بعدك فضلة خير
دايما عامر
يابنى يا عامر
ولبنى وسامر
بكل الخير
عيدنا فدارنا
هناك بيجمع
واللى فى عيدنا
حب يدمع
يلاقى ايدين الناس
مناديل

انا وابويا ويا الغير

فتح عينك فتح برق .... بكره اكيد حلمك يتحقق
غمض عينك أمن صدق.......ربك قادر ع التغيير

اللى انهاردة شايفة عسير... ومش نافع فيه التعديل
لو كان امرك امر خطير .... ربك برضو رب كبير

اللى عليك ماشى يتريق .... واللى باصصلك كدة ومبرق
بكرة الناس علية تتحمرق ..... بكرة عقله منه يطير

وادى عنتر ماشى جنابو.... ويا مراته قاصه شنابو
ماشى يقرقط على نيابو..... انا مش ممكن منه اغير

وده يتفشخر باللى ف عبه... وكل الناس قدامه بتحبه
ومن وراء منه الناس بتسبه.... اصلة ظالم خلق كتير

اسمع منى وده اللى تقال.... اوعى تخجل منى ياخال
عمر الراجل مرجلو مال.... حتى ان كان ولد وزير

عمرى ما كنت ف يوم بطال...ولا غيرنى ضيق الحال
دايما راضى وعال العال ..... والله نعمة وفضل كبير

اه والمرسى ابو العباس..... دول الفقراء اجدع ناس
كب المر وعبى الكأس...... فرح وغنا انغام وعبير

تقدر ترقص وقت الحزن.... تقدر تضحك وقت الحزن
حزم نفسك ارقص جن ..... خلى غراب الحزن يطير

عمر الفرح ما كان بالمال.... عمر الحزن ما كان بالمال
افرح ارقص غنى يا خال...... وريح راسك م التفكير

اضحك يابا فرفش مالك؟.... لية بتلوم يابا عيالك؟
ضيعو عمرك وبعترو مالك... من ناس بره لية بتغير؟؟

عيال مين اللى اغير منهم؟؟..... بلاش تحكيلى كتير عنهم
انا خابزهم وانا عاجنهم...... عيال الناس دول فرافير

لو ف العقل اعقل منهم... ..لو ف الحسن أحسن منهم
بص يابا بص لمالهم....... عمر المال مارقى غفير

خايف يابا انى أعنس.... بص مافيش راجل بيعنس
ممكن يابا العمر يعنس.... بص انا هفضل برضو صغير

عارف يابا نفسك اتجوز ..... وده اتستر وده اتجوز
ولاوى وشك لاوى ومبوز.... نفسك تفرح فرح كبير

تعرف يابا امر خطير... ابنك ممكن يبيع بشاكير
ممكن يسرح عيش وفطير... بس مقامى برضو كبير

كيف من غير ما اصرخ اه..... كيف الناس عتقول الله
كيف المبلى تهون بلواه .....لما يشوف بلوات الغير

ولو مسودش بيا الليل ....كيف القمر يبقى جميل
كيف هنغنى وكيف هنميل.... كيف هنريح كل اجير

كيف الناس هتغنى يا عين.... من غير اها ولا اتنين
كيف الدمع يداوى العين......من غير جرح وجرح كبير

كيف الورد عطورة تفيح ... غير بالقتل والتجريح
كيف البلبل صوته يصيح.... لما يلاحظ امر خطير

اطمن يابا ولدك زين...... افضل واحد بين الاتنين
خمرة شعره ونبيذ زين....تسقى ملك عمدة وغفير

اصل الرك ع الاساس.... ابنك ماشى مرفوع الراس
ناقش علمه ع الكراس ... ماشى بيعلم صغير وكبير

السعودى العنقودى

يا جيزاوى لن نتركك تعانى وحيداً
95 مليون مصرى معاك
غير الاطفال اللى جاية فى السكة


سعودى الوحدة العربية ........صحبة ردية

ومصر دى دولة قوية..........ام البلدان

ياسعودى لية تحرق دمك؟.....داهية فى امك

فى مصر بلدى ايه هامك؟؟....غير الاطيان

عامله مركز ده البترول.....وماشى مسطول

قاعدلى زى قدرة فول....... وفول حمضان

سعودى وجاى يحرق بلدى....ويقتل ولدى

عاوز يدمر ويعدى ...........ابن الشيطان

سعودى عصر الجاهلية...... خلقة رديه

انا شفته غمضة عنيا.........منه قرفان

سعودى باصص كدة لبعيد.....جاى بتنهيد

عاوزنا عبد وهو السيد.......واحنا الاعيان

سعودى وقال يلعب بيا...... ويشوط فيا

عمال بينصبلى الخيا ...... ويكون كسبان

سعودى افكار جهادية ........اما هديه

جايب افكاره الجهادية........تهدم بنيان

سعودى فاهم فى العقال......والقيل والقال

لاغنوة نافع ولا موال.......ولا ليك اوزان

سعودى شاطر فى الاغنام...تاكل وتنام

ماشى منفوخ شبة النعام..... وانت خرفان

الخلقة دى شبه الليفة........عينها كفيفة

وعبد الله ملكهم ده خليفة....جنكيز خان

ماشى بينطح زى الطور.....وانت طرطور

مش عارف فرق جبل الطور....مابين عمان

ابعد بقى وارحم نفسك.......بص لنفسك

انت يادوب ساند نفسك......انت عيان

سعودى وتصعب على حالك....حاسب مالك

المصرى منا برجالك........ وبالريان

انت عبيط وابن لازينا......لازق فينا

لا رفح بلدك ولا سينا......ولا طابا كمان

هلفوت وعامل م الاعيان....ابن الجعان

شحات وعامل فيها سلطان...ابن الحيوان

تحب اقولك اية تانى ؟.....انت انانى

لا بتلو تنفع ولا ضانى ....ولا أكل فران

انا نفسى اعرف فين امك؟....خالتك عمك

محدش فيهم لية لمك؟؟...... الكل مهان

يا سعودى يابن الموكوسة.....جاتك حوسة

عاوز بلدنا تكون كوسة.......ويا بتنجان

يا سعودى يابنى ارحم اهلى.....ولا تندهلى

بلاش تكفر دين اهلى...........وتحضر جان

سعودى منفوخ ع الفاضى.....وعامل قاضى

لا عاوز تسكت ولا راضى ....تبعد يا جبان

سعودى ولا عاوزك تجينى.....ارحم دينى

لا اجيلك مره ولا تجينى .......عاشق ولهان

عارفك كدة ابن بضينة....... ولا ليك قيمة

لا جد تنفع ولا زينة..........ولا ليك اتمان

حاطط كده عينك منا ......لية تشغلنا؟؟؟

فارقنا وابعد بقى عنا..... وكفاية حنان

تعقيب
كل الحب لكل السعوديين
كشعوب تعانى من حكومتهم مثل ما نعانى
من قمع وجهل وتخلف ودكتاتورية توجهيه قاتلة
انا لست ضدكم 
انا ضد افكار التخلف والجهل 
وضد من يعترض حقنا كمصريين
لنا نحن فقط وليس سوانا من يختار مصيرنا
ارجوكم لا تمارسو علينا افكاركم بطرق مباشرة او غير مباشرة 
بقصد او بدون قصد
وكفى الله المؤمنون شر القتال
تحياتى الى كل من يحترم الانسانية ويقدسها

عاشت مصر نورا لشعوب الارض


كامل