صحوة من بعد نومة

لاقطف م الصدر حبة
واقطف م الخد حبة
لاجل ما تقيد المحبة
ويشبع قلبى اللى دايب

شايف ع الخد شامة
واصلك ف الحسن علامة
لاجلك تقوم القيامة
ما تحنى على اللى دايب

ينام الليل وانا صاحى
لاجلك سهرت صباحى
ياللى انتى نايمة وانا صاحى
ما تحنى د القلب طايب

يا حلوة ياللى الدلال طبعك
والاصل ف الاجداد طابعك
لو تعرفى انا فين طابعك
كنت غيرتى النوايب

عاشق والعشق دينى
وف العشق حالف يمينى
ما بيعك لو بعت طينى
ما تغيبى ولو كنت غايب

بعتلك مراسيل يامة
ف البوسطى وف رجل حمامة
وغير الجوابات فى كتير يامة
بس مبقولش انا اية جايب

سلامات م النيل ياعروسة
سلامات مصر المحروسة
باعتالكم مليون بوسة
مصر مش ناسية الحبايب

سرحان يا حلوة منك
وهزلان وبرضو منك
وضعفان وكلو منك
وكفاية منك جسمى طايب

متقولى بس فى اية مالك
وم البعد اية اللى جرالك
ولية تغيرى ..جرنالك
دانا خبرى الاهرام جايب

قالولى اعشق ده العشق غية
واللى يعشق يبقى ضحية
مكفاية نظرات مش هية
الرحمة دانا جسمى سايب

قلتى ماشية جالى الغضروف
ولسة تانى ع تقولى ظروف
ارجوكى اعملى معروف
القسوة لية؟ واحنا حبايب


انا عارف الطيبة ف لونك
والمولى حافظك ويصونك
انا عاوز اعرف اية قولك
فى السهم اللى ف قلبى صايب

انا اللى شلت الحمول عنك
وشربت كاس الفراق منك
كان عذرك ده صغر سنك
ها تقولى اية؟ وانا شايب