لا انا الكافر ولا المؤمن ..
انا المطحون ما بين الاتنين
معاك الحق .. اقول يمكن ..
منيش عارف اصدق مين
لا انا موافق ولا معارض
ولا صوتى امانه " لحد "
انا حايلا .. طير شادر
لا اعشق سما
ولا اعادى الارض
منيش ويــاك ولا ضدك ..
ولا بشمت فـ يوم عرضك
لكن تعالا .. هنــا قولى ..
ازاى رضيــت تبيع ارضك
ليه الوطن ماهوش هامك !!
وفتحت دارك للخسيس
ورايح .. تبيع شرف امك ..
علشان كرسى ..
وعلشان رئيس
خليتنى اصدق ان انت فعلاً
خاين وكاذب ..قاتل وسارق
وانك حقيقى فعلاً ... وقولاً
عايش تتاجـــر .. بالمبادىء
ليست هناك تعليقات:
إرسال تعليق