واتغيرت يا واد وبعـــودة
وبقيت ماشى حسب الموضة
شخص عظيم .. وطموحك عــالى
سبت الشقة سكنت فـــ اوضـــة
واتغيرت يا واد يــا خســارة
ومفيش حاجة بتغلى عليك
ماشى تبيع .. وتقول دى تجارة
وما فيش حاجة تأثر فيك
وبقيت عصبى وخلقك داق
امتى تفوق وتبص لنفسك
عمال تجرى حصان فى سباق
ومنتاش لاحق تاخد نفسك
سكة طويلة اخرها الموت
عشمان ان السكة توصل
نمت بكيفك جوه تابوت
وانت تابوتك كان متفصل
وهقولك كلمة من الاخــر
عيش الدونيا يا واد على كيفك
امشى فـ سكة ملهاش اخر
اشرب دمــك .. والحس سيفك
ليست هناك تعليقات:
إرسال تعليق