تحكى الحكاية عن ولاد
حبهم لف البلاد
البنت تطلع سندريلا
ومجــدى يطلع سندباد
هي كانت حلم مجدي
ومجدي كان جارها القديم
كان يشوفها قلبه يفرح
كات تغيب يفضل حزين
كان تملي يدعى ربه
انها تفضل سعيدة
انها تفضل تحبه
حتي لو كانت بعيدة
كان يقول كلام يعبر
ع اللى داير جوه قلبه
كان كتير يفضل يهزر
لاجل ما يضحك حبايبه
كان تملى يحكى عنها
للشجر تبكى الطيور
كانله صوت زي الربابة
كان يعشش فى الصدور
وعن حبهم تحكى الحكاوى
والحكاوى مبتنـ تهيش
ف البيوت جوه القهاوى
فى العلن او خلف شيش
فى المزارع فى الغيطان
الكل يتكلم عليهم
حتى الكلام بين الجيران
يحكوا ويشاوروا بايديهم
واهو كل واحد له لسان
يمشى بين الناس بيحكى
يقول كلام مش بالميزان
خلق تضحك وخلق تبكى
وليل نهار قاعد معاكى
يشرب القهوة بهواكى
ينطق الحلوة فى وشك
تطلع الماسخة فى قفاكى
ولا انتى عايزة تغلطيه
ولا تقوليله عيب حرام
ولا حتى عايزه تسكتيه
وتعقلى معنى الكلام
بتعجلى فى العمر لية؟!
وكل حى وله اجل
والقلب فرحان تقطفيه !!
وردة حمرا من الخجل
يا بلدنا بلاش نفاق
ورجعى الفرحة اللى غابت
واعلنى نهاية السباق ....
وارحمى قلوبنا اللى شابت
طنطا يا بلد الحبايب
لا تقفلى فى وشى عطوفك ..
مسيرة يرجع كل غايب ..
ويدوب حلاوة جوة جوفك
ياما قلتـ ليكى الحب نعمة
راح تغير ف النفوس
مش مجرد حروف فى كلمة
ليها معنى ف القاموس
الحب جوه الدونيا زاد
والقلوب هى الاجساد
مش هيبقى فى مرة سلعة
تعرضوها فى المزاد
فبطلـي شغل الجنان ..
يا بلدنا وارحمينا
راح نحب لو فى اللومان
لو حتى عايزة تموتينا
ليست هناك تعليقات:
إرسال تعليق