فاترينا ..
تبص بس
وتتفرج
من بعيد
لبعيد
لو غاوى حتى
ياعم
ممنوع كلام
الفم
ممنوع سلام
الايد
ونعشم فى
حاجة بتتكسر
ومن رخصها
بتغلى علينا
ونبص ليها
ونتحسر
وتسرق حياتنا وتلهينا
لعبه حلوة
ولبس جديد
وبينى وبينهم
لوح قزاز
لانا اشتريت
بدلة ضابط
ولا حتى جبت حصان
هزاز
وماشية
الحياة وبدون ضابط
وناس تزيد
وناس تغنى
وعرض
الفاترينا بــ يتغير
وانا من عجزى
.. بستغنى
ومبقتش انا الواد الصغير
ولا اى حاجة بترضينى
واهى كل حاجة بتتغير
واهى كل حاجة بتتغير
الا الفرح اللى ناسينى
وامشى واسيب
الفاترينا
وجوه منى
مسبتهاش
معرفش لية بخلت
علينا
وليه انا
مسالتهاش
معرفش الوم
ايدى القصيرة
ولا الوم
عيونى البصيرة
ولا الوم عقل
العيال
كل ما بشعر
بغيرة
ليست هناك تعليقات:
إرسال تعليق